Frist for forslag 1.mars: Kven blir Årets ungdomsråd?
Møre og Romsdal fylkeskommune melder at Ungdomspanelet ønskjer å få inn nominasjonar til prisen «Årets ungdomsråd i Møre og Romsdal». Prisen blir delt ut på Ungdommen sitt fylkesting (UFT) i mars. No nærmar det seg fristen 1.mars om du til dømes vil foreslå ungdomsrådet i Aukra.
Med utmerkinga ønskjer Ungdomspanelet å løfte fram ungdomsråd som gjer ein ekstra innsats for unge i fylket. Prisen består av 10 000 kroner som vinnaren kan bruke til prosjekt eller tiltak for ungdom.
Kven kan få prisen?
Prisen blir delt ut kvart år av ungdomspanelet i Møre og Romsdal. Alle som har tilknyting til Møre og Romsdal fylke kan foreslå kandidatar til prisen.
Prisen skal gå til ungdomsråd som har utmerka seg ved å legge til rette for medverknad for ungdom. skape gode møtestader for ungdom. bidra til eit allsidig fritidstilbod for ungdom, eller på anna vis har gjort ein særskilt innsats for ungdom i kommunen.
Prisen har tidlegare gått til Hareid og Herøy ungdomsråd.
Har du eit framlegg?
Du kan sende inn forslag til kandidat med grunngjeving innan 1. mars via denne linken på fylkeskommunen si nettside:
